Mërgata Kontakt Njoftimet Antarët Antarsohu Historiku

Statuti i Shoqatës

MËRAGATA E GRADECIT

Dispozitat e Përgjithshme

Emri, Selia, Logo dhe Vula

Neni 1

Nën emrin Shoqata Mërgata e Gradecitt ekziston një shoqatë sipas nenit 60 e në vijim të Kodit Civil Zviceran, me seli në Winterthur. Ajo është politikisht e pavarur.
Shoqata Mërgata e Gradecit ka të drejtë të hapë Degë Simotra, të veçanta në shtete të tjera, si më poshtë vijon:
Degët Simotra (referuar si Degë) në shtete të ndryshme:
1. Për të aritur qellimet sipas Nenit 2, Shoqata Mërgata e Gradecit mund të organizohet në shtete të ndryshme ku ka komunitet nga fshati Gradec.
2. Në raste të tilla, Dega e hapur në këto shtete mund ta mbulojë hapësirën territoriale të një shteti, në të cilin ka prejardhes prej Gradecit.
3. Dega Simotër e Shoqatës Mërgata e Gradecit në shtete të ndryshme organizohet sipas legjislacionit, specifikave dhe rrethanave të shtetit ku jetojnë anëtarët. Me vendim të Kryesisë së Shoqatës Mërgata e Gradecit, organizimi mund të bëhet në një apo disa nivele.
4. Pas vlerësimit, nga Kryesia e shoqatës Mërgata e Gradecit, të mundësive dhe përmbushjes së kushteve për themelimin e një Dege në shtete të ndryshme, vendimi merret nga Kryesia shoqatës Mërgata e Gradecit. Me vendimin e Kryesisë për themelimin e një Dege Simotër, njoftohet Asambleja e Përgjithshme në mbledhjen e radhës.
5. Këto Degë Simotra mblidhen dhe raportojnë tek Kryesia e shoqatës Mërgata e Gradecit për zhvillimet, projektet e nevojat së paku një herë në vit.
6. Mënyra e organizimit, struktura dhe vendimmarrja e këtyre Degëve do të përcaktohen me rregullore të veçantë. Për çështjet të cilat nuk përcaktohen me rregullore, zbatohen dispozitat siç i përcakton Statuti i shoqates Mërgata e Gradecit.
Shoqata ka edhe logon e vetë të cilën e vendos Asambleja e Përgjithshme
Shoqata posedon vulën e cila I ngjason logos, apo mund të ndryshojë me pëlqimin e Asamblesë.

Qëllimi dhe Synimi

Neni 2

1.Shoqata ndjek këto qëllime:
1. Nxitja e shkëmbimit mes të gjithë personave që jetojnë jashtë vendit dhe që origjinalisht vijnë nga fshati Gradec.
2. Mbështetja e aktiviteteve kulturore, fetare e të tjera në fshatin Gradec.
3. Ndihma ekonomike për personat në nevojë nga fshati Gradec.
4. Mbështetja ekonomike e projekteve në fshatin Gradec.
Ndihma për banorët e fshatit Gradec si dhe për vetë fshatin nuk duhet të bazohet në përkatësinë familjare, por duhet të jepet sipas kritereve objektive. Kritert objektive do të rregullohen në një Rregullore të veçantë, e cila do të miratohet nga Ansambleja e
Shoqata nuk ndjek qëllime komerciale dhe nuk synon përfitime. Organet e saj funksionojnë mbi baza vullnetare.

Mjetet

Neni 3

Për të përmbushur qëllimet e saj, shoqata përdor burimet e mëposhtme:
1. Kontributet e anëtarëve
2. Të ardhurat nga organizimi i aktiviteteve
3. Subvencionet
4. Donacionet dhe ndihmat e çdo lloji
Kontributet e anëtarëve (pagesa e antarsimit ) caktohen çdo vit nga Asambleja e Përgjithshme. Përgjithshme. Viti financiar përkon me vitin kalendarik.

Anëtarësia

Neni 4

Anëtarë mund të bëhen persona fizikë dhe juridikë që mbështesin qëllimet e shoqatës dhe që kanë origjinë nga fshati Gradec.
Anëtarët aktivë me të drejtë vote janë vetëm persona fizikë.
Personat që kanë dhënë kontribut të veçantë për shoqatën mund të shpallen anëtarë nderi me propozim të kryesisë dhe vendim të Asamblesë së Përgjithshme.
Kërkesat për anëtarësim i drejtohen kryesisë, e cila vendos për pranimin e tyre.

Humbja e Anëtarësisë

Neni 5

Anëtarësia përfundon me dorëheqje, përjashtim ose vdekje për personat fizikë.

Dorëheqja dhe Përjashtimi

Neni 6

Një anëtar mund të largohet nga shoqata në çdo kohë. Për vitin në të cilin është dhënë dorëheqja, kontributi vjetor duhet të paguhet i plotë.
Një anëtar mund të përjashtohet nga shoqata në çdo kohë për shkelje të statutit ose për veprime kundër qëllimeve të saj.
Për përjashtimin e një anëtari nevojitet vendimi me shumicë votash të Asamblesë së Përgjithshme.

Organet e Shoqatës

Neni 7

Organet e shoqatës janë:
1. Asambleja e Përgjithshme
2. Kryesia (Kryetari, Nënkryetari dhe Sekretari)
3. Kordinatorët/Udhëheqësit për Kantone në Zvicër dhe Degëve në Shtetet tjera
4. Komisioni i Revizionit

Asambleja e Përgjithshme

Neni 8

Asambleja e Përgjithshme është organi më i lartë i shoqatës. Ajo mbahet një herë në vit.
Anëtarët ftohen me shkrim paraprakisht duke specifikuar rendin e ditës. Ftesat me e-mail, në rrjetet sociale janë të vlefshme.
Çdo anëtar ose kryesia mund të propozojë çështje për diskutim deri 3 ditë para mbledhjes.
Kryesia ose 1/5 e anëtarëve mund të kërkojnë thirrjen e një mbledhjeje të jashtëzakonshme, e cila duhet të mbahet brenda 4 javëve nga kërkesa

Kompetencat e Asamblesë së Përgjithshme

Neni 9

Asambleja e Përgjithshme ka këto kompetenca të patjetërsueshme:
1. Miratimi i procesverbalit të mbledhjes së mëparshme
2. Miratimi i raportit vjetor të kryesisë
3. Shqyrtimi i raportit të revizionit dhe miratimi i llogarisë vjetore
4. Shkarkimi i kryesisë
5. Zgjedhja e kryetarit, anëtarëve të tjerë të kryesisë dhe komisionit të revizionit
6. Caktimi i kontributit të anëtarëve
7. Miratimi i buxhetit vjetor
8. Vendosja mbi programin e aktiviteteve
9. Ndryshimi i statutit
10. Vendosja mbi përjashtimin e anëtarëve
11. Vendosja mbi shpërbërjen e shoqatës dhe përdorimin e mjeteve të mbetura pas likuidimit
Asambleja është e vlefshme pavarësisht numrit të anëtarëve të pranishëm.
Vendimet merren me shumicë të thjeshtë. Në rast barazimi të votave, kryetari ka votën vendimtare.
Ndryshimet statutore kërkojnë miratimin e 2/3 së anëtarëve me të drejtë vote
Procesverbalet e mbledhjeve duhet të hartohen me shkrim.

Kryesia

Neni 10

Kryesia përbëhet nga të paktën 5 persona. Mandati i tyre është 3-vjeçar me mundësi rizgjedhjeje.Pas dy mandateve Kryesia nuk ka të drejtë për rizgjedhje në mandatin e tretë.
Kryesia drejton punët e përditshme dhe përfaqëson shoqatën jashtë saj. Ajo ka të drejtën të miratojë rregullore dhe të krijojë grupe pune.
Për të realizuar qëllimet e shoqatës, kryesia mund të punësojë persona me kompensim të arsyeshëm.

Detyrat dhe Kompetencat e Kryesisë

Neni 11

Kryesia ka të gjitha kompetencat që nuk i janë deleguar ndonjë organi tjetër nga ligji ose statuti.
Ajo përbëhet nga:
1. Kryetari
2. Nënkryetari
3. Sekretari
4. Kordinatorët mbrenda dhe jashtë Zvicrës
Mbledhjet e kryesisë thirren sa herë që është e nevojshme. Çdo anëtar mund të kërkojë mbledhje duke dhënë arsyen.
Vendimet mund të merren edhe përmes qarkoreve (përfshirë e-mail, app apo web faqe).
Kryesia punon mbi baza vullnetare, por ka të drejtë për rimbursim të shpenzimeve.

Komisioni i Revizionit

Neni 12

Asambleja zgjedh 2 revizor që kontrollon financat dhe kryen një auditim të paktën një herë në vit.
Ata i raportojnë te kryesia dhe Asambleja e Përgjithshme.
Mandati i tyre është 3-vjeçar me mundësi rizgjedhjeje.Pas mandatit të dytë nuk kanë të drejtë për rizgjedhje.