Mirësevini në faqen e Shoqatës „ Mërgata e Gradecit „
Shoqata “Mërgata e Gradecit” punon për zhvillimin e fshatit, ndihmon familjet në nevojë dhe synon bashkimin e bashkëfshatarëve në diasporë.
AntarsimiPrioritetet dhe projektet e shoqatës “mërgata e gradecit" angazhimi për zhvillimin, mirëqenien dhe trashëgiminë e fshatit gradec
Shoqata "mërgata e gradecit" është e përkushtuar të punojë ekskluzivisht për mirëqenien dhe zhvillimin e fshatit gradec, duke ndihmuar banorët në nevojë dhe duke promovuar zhvillimin ekonomik, kulturor, fetar dhe shkencor të komunitetit.
1. Ndihma për familjet në nevojë
• Mbështetje me ushqime, veshmbathje dhe ndihma financiare për familjet e varfra
• Projekte afatgjate për të ndihmuar ata që kanë vështirësi ekonomike.
2. Përkujdesje për të sëmurët
• Ndihmë financiare dhe logjistike për banorët e sëmurë, me vështirsi ekonomike.
• Mbështetje për shpenzimet e trajtimeve mjekësore dhe barnave.
3. Mbështetje për rastet emergjente
• Ndihmë për familjet e prekura nga fatkeqësitë natyrore dhe aksidentet.
• Përkujdesje për rastet e vdekjes: ndihmë për transportin dhe mbështetje për familjet e të ndjerëve.
4. Aktivitetet kulturore dhe fetare
• Organizimi i tribunave fetare, simpoziumeve dhe seminareve.
• Aktivitetet që promovojnë trashëgiminë dhe vlerat fetare dhe kombëtare.
• Përkujdesje për ruajtjen dhe promovimin e zakoneve dhe traditave të fshatit Gradec.
5. Arsimi dhe shkenca
• Ofrimi i bursave për studentët më të mirë të fshatit Gradec.
• Organizimi i trajnimeve dhe seminareve edukative për të rinjtë.
• Mbështetje për talentet e reja në fusha të ndryshme shkencore dhe akademike.
6. Sporti dhe rekreacioni
• Organizimi i turneve sportive dhe rekreative.
• Mbështetje për aktivitete që promovojnë një jetë të bashkuar mes mërgimtarëve dhe bashkfshatarëve.
7. Infrastrukturë dhe zhvillim i fshatit
• Projekte për përmirësimin e pastrimit dhe gjelbrimit në gjitha rrugët dhe rrugicat e fshatit.
• Investime në ndriçimin publik dhe sistemin e ujësjellësit si një projekt i mundshëm në të ardhmen dhe në me bashkpunim me organet tjera vendore dhe qeveritare.
Shoqata "Mërgata e Gradecit" është e përkushtuar të vazhdojë punën me përkushtim dhe transparencë, duke ndihmuar ata që kanë më shumë nevojë dhe duke kontribuar për një Gradec më të zhvilluar, më të fortë dhe më të bashkuar!
Kjo nismë don ti bashkojmë forcat, andaj ftojmë gjith mërgimtarët nga Fshati Gradec të antarsohen dhe ti nisim së bashku gjitha këto projekte pse jo edhe më shumë!
Antarsohu tani
Iniciatori
Faruk Havziu
Si lindi ideja për riaktivizimin e Shoqatës “Mërgata e Gradecit”!
Shoqata “Mërgata e Gradecit” ishte themeluar me 26 qershor 1994. Në atë kohë, ajo u bë një vatër e rëndësishme për bashkimin dhe mbështetjen e mërgimtarëve tanë, duke realizuar një sërë projektesh të rëndësishme për komunitetin. Megjithatë, prej afro 20 vjetësh, aktivitetet e saj u ndërprenë dhe shoqata nuk ishte më aktive.
Ideja për ta ringjallur këtë shoqatë lindi natyrshëm, si nevojë shpirtërore dhe si detyrim moral ndaj brezit të parë që hodhi themelet e saj. Unë së bashku me disa shokë e ndjemë thellë këtë thirrje – të ruajmë idealet dhe sakrificat e baballarëve tanë. Kështu, vendosëm ta riaktivizojmë shoqatën, duke mos harruar kurrë rrënjët dhe historinë tonë.
Më 9 shkurt 2025, u thirr Asambleja Themeluese ku morën pjesë mbi 60 persona të përkushtuar. Pas diskutimeve të gjata dhe plot emocion, u vendos që të formohet një shoqatë e re, me një emër të ri, por gjithmonë duke mbajtur gjallë idealin e vitit 1994. Në këtë frymë, edhe në logon e shoqatës e kemi vendosur krenarisht vitin 1994.
+41 76 476 45 21
Shoqata "Mërgata e Gradecit" përmbahet prej XXX antarëve, 11 përfaqsuesve dhe kryesisë. Së bashku ne nuk jemi vetëm një numër, ne jemi një forcë, një komunitet i lidhur nga qëllimi dhe pasioni. Pavarësisht nëse qëndrojmë si dhjetë, njëqind apo një mijë të fortë, secili prej nesh shton forcën e së tërës.
Antarët tanëNëse ju duhet mbështetje ose keni pyetje të tjera
na kontaktoni